Ukrayna ilə danışıqlarda Amerika strategiyası sadədir və heç də rusiyayönlü deyil. Mən bunu ukraynayönümlü adlandırardım, amma məhz Amerikanın baxış bucağından.

Axar.az xəbər verir ki, bunu rusiyalı politoloq Aleksey Naumov deyib.

“ABŞ hesab edir ki, Ukrayna onlarsız ayaqda qala bilməz, bu doğrudur. Buna uyğun olaraq, ABŞ məqbul hesab etdiyi sülh şərtlərini formalaşdırır: buraya, məsələn, Kiyevin NATO-ya qoşulmaqdan imtina etməsi də daxildir. Bu şəkildə amerikalılar ukraynalılara deyir: gəlin Rusiya ilə danışıqlarda maraqlarınızı təmsil edək, suverenliyinizi təslim etməyəcəyik və sövdələşmənin mümkün olan ən yaxşı şərtlərini təmin edəcəyik. Bunun üçün sizin belə güzəştlərə getmək istəyinizə ehtiyacımız var, bunun müqabilində ruslardan da nəsə alacağıq. Amerikalılar həqiqətən də inanırlar ki, bu, Ukrayna üçün mümkün olan ən yaxşı vəziyyətdir. Çünki əks halda, yəni bundan imtina halında, o, daha çətin şərtlər və danışıqlar mövqeyinin pisləşməsi ilə üzləşəcək”, - o bildirib.