Britaniya və Belçika baş nazirləri - Keyr Starmer və Bart de Vever hazırkı anı Ukraynanın gələcəyi üçün dönüş nöqtəsi adlandırıblar.

Axar.az xəbər verir ki, bu barədə Londonda keçirilən danışıqlardan sonra tərəflərin yaydığı birgə bəyanatda deyilir.

Bildirilib ki, görüş zamanı baş nazirlər Ukrayna üzrə sülh danışıqlarını müzakirə edib və bu danışıqların gələcək üçün dönüş nöqtəsinə çatması barədə həmfikir olublar.

Tərəflər Moskvaya təzyiq göstərməyə və Kiyevin mövqeyini gücləndirməyə çağırıblar və bunu ədalətli və davamlı sülhə nail olmağın yeganə yolu kimi görürlər.

Bundan əlavə, siyasətçilər Belçikanın qarşı çıxdığı Rusiya aktivlərinin müsadirəsini də müzakirə ediblər.