Ukrayna Prezidenti Vladimir Zelenski ABŞ və Avropadan olan müttəfiqlərlə bir sıra görüşlər keçirəcək.

Axar.az xəbər verir ki, Zelenski bu barədə öz Teleqram kanalında məlumat verib.

"Hazırda ABŞ və avropalı müttəfiqlərlə görüşlər üçün hazırlıqlar gedir. Mühüm hadisələr olacaq. Sülh və müharibənin bitməsi istiqamətində siyasi razılıqlar müzakirə olunacaq. İndi yaxşı fürsət yaranıb. Ukrayna üçün sülhə zəmanət verilməlidir. Rusiyanın yenidən Ukraynaya hərbi müdaxiləsi olmamalıdır. Berlində bu günlərdə sülh razılaşmasını normal vəziyyətə gətirə biləcək insanlarla danışıqlar aparacağıq", - deyə Zelenski qeyd edib.

Ukrayna prezidenti əlavə edib ki, ABŞ və Avropa Birliyinin rəsmilər ilə Ukraynanın müharibədən sonrakı bərpası da müzakirə mövzusudur.