ABŞ Prezidenti Donald Tramp qarşıdan gələn çıxışı zamanı prezident kimi qazandığı uğurları vurğulayacaq.

Axar.az xəbər verir ki, bu barədə Ağ Evin mətbuat katibi Karolina Levitt “Foks Nyus”a verdiyi müsahibədə deyib.

"Prezident Tramp qarşıda nələrin gözlədiyindən danışacaq. Ən yaxşısı, tez-tez dediyi kimi, hələ qabaqdadır və buna görə də ölkəyə müraciət edəcək və son bir ildə qazandığı bütün tarixi uğurları vurğulayacaq", - deyə o bildirib.

Levitt əlavə edib ki, Amerika lideri həmçinin 2026-cı ildə hazırlanacaq təşəbbüsləri də müzakirə edə bilər.

Qeyd edək ki, ABŞ Prezidenti Donald Tramp dekabrın 17-də (Bakı vaxtı ilə 18 dekabr 06:00) Ağ Evdən xalqa müraciət edəcək.