Rusiya çox güman ki, Xəzər dənizindən Ukraynaya "Kalibr" qanadlı raketləri atıb.

Axar.az xəbər verir ki, bu barədə Ukrayna Hərbi Dəniz Qüvvələrinin sözçüsü Dmitri Pletençuk bildirib.

O, bu yaxınlarda Xəzər dənizində 22460 saylı "Oxotnik" hərbi gəmisinin məhv edilməsi ilə bağlı sualı cavablandırarkən deyib:

"Xəzər dənizi bizə göründüyündən daha yaxındır. Bir vaxtlar, tammiqyaslı işğalın əvvəlində ruslar oradan müəyyən bölmələri sularımıza yerləşdirdilər. Tammiqyaslı işğal zamanı kiçik raket gəmiləri kimi ən son silahların bəzilərini qorumaq üçün ora köçürdülər".

O əlavə edib ki, dənizdən atılan “Kalibr” raketləri, böyük ehtimal, Xəzər dənizindən atılıb.

Onun sözlərinə görə, bu məlumat hazırda yoxlanılır.