Sizin kimi, mən də internetin nə vaxt normal vəziyyətə qayıdacağını bilmirəm. Ümid edirəm ki, bu, mümkün qədər tez baş verəcək.

Axar.az xəbər verir ki, bunu İran Prezidenti Məsud Pezeşkianın oğlu Yusif Pezeşkian özünün Teleqram kanalında yazıb.

"Ola bilsin ki, təhlükəsizlik orqanları internetin bərpasının ölkədə sabitliyin yenidən pozulmasına yol açacağından narahatdırlar. Daha vacib narahatlıq isə internetin bağlı saxlanılmasının narazılıq yaradacağı və xalqla hökumət arasındakı uçurumu genişləndirəcəyidir. Yəni narazı olmayanlar da narazılar sırasına qoşulacaqlar", - Pezeşkian bildirib.

Qeyd edək ki, İranda 28 dekabr 2025-ci ildən iqtisadi vəziyyətə görə kütləvi etiraz aksiyaları başlamışdı. Aksiyalar daha sonra iğtişaşlara çevrildi və toqquşmalarda minlərlə insan öldü. İran hakimiyyəti bu səbəbdən internetə çıxışı bloklayıb.