İsveçrə ölkə əhalisinin sayını 10 milyonla məhdudlaşdırmaq üçün radikal təkliflə bağlı referendum keçirəcək.

Axar.az xəbər verir ki, hökumətin açıqladığı kimi, nüfuzlu sağçı İsveçrə Xalq Partiyası (SVP) tərəfindən dəstəklənən təşəbbüs üzrə səsvermə iyun ayının ortalarında keçiriləcək.

Bildirilib ki, bu qərar Avropa Birliyi ilə əsas razılaşmaları təhlükə altına ala və İsveçrəyə ixtisaslı xarici işçi axınını məhdudlaşdıra bilər.

Təşəbbüs İsveçrənin daimi əhalisinin 2050-ci ilə qədər 10 milyondan çox olmamasını və bu vaxta qədər 9,5 milyonu keçərsə, avtomatik olaraq məhdudlaşdırıcı tədbirlərin tətbiq edilməsini təklif edir. Bu tədbirlərə sığınacaq kvotalarının azaldılması və ailələrin yenidən birləşməsi daxildir.

İsveçrə əhalisi hazırda 9,1 milyon nəfərdir və 2000-ci ildən bəri 25% artıb ki, bu da qismən immiqrant axını ilə bağlıdır. İsveçrədə xarici vətəndaşların nisbəti Avropada ən yüksək göstəricilərdən biridir - 27%.

Ölkə əhalisinin məhdudlaşdırılması təşəbbüsünə dəstək olduqca yüksəkdir. Belə ki, əhalinin artması infrastrukturu həddindən artıq yükləyir, ətraf mühitə zərər verir və kirayə qiymətlərini artırır.