Ermənistan, şübhəsiz ki, zəruri hesab etdiyi istənilən tərəfdaşla işləməkdə sərbəstdir, lakin Amerika nüvə texnologiyasını seçməsi suallar doğurur.

Axar.az xəbər verir ki, bunu Rusiya Xarici İşlər Nazirliyinin sözçüsü Mariya Zaxarova deyib.

Zaxarova Vensin İrəvana səfəri zamanı SMR-lərin quraşdırılmasına dair imzalanmış memorandumla bağlı sualı belə cavablandırıb:

“Rusiya dünyada aşağı güclü nüvə elektrik stansiyalarından istifadə edən yeganə ölkədir və tərəfdaşlarına bütün spektrlərdə sınaqdan keçirilmiş həllər təklif edib, bu arada, Vaşinqtonun təklif etdiyi aşağı güclü nüvə elektrik stansiyaları nəinki ABŞ-da yoxdur, həm də sadəcə mövcud deyil, yalnız kağız üzərində var”.