İran Ali Məhkməsi hazırda Urmiya şəhərinin həbsxanasında saxlanılan azərbaycanlı siyasi məhbus Yaqub Kərimpurun barəsində çıxarılan edam hökmünü təsdiq edib.

Axar.az xəbər verir ki, bu barədə insan haqları təşkilatları məlumat yayıb.

O, “İsrailə casusluq”da günalandırılsa da, həbsxanadan yaydığı məktubda bunu inkar edib və işgəncə altında ondan məcburi etiraf alınmağa çalışıldığını bildirib.

Qərbi Azərbaycan əyalətinin Qoşaçay şəhərindən olan 1984-cü il təvəllüdlü Yaqub Kərimpur 16 iyun 2025-ci ildə həbs edilib.

Marağa Universitetinin Hüquq fakültəsini bitirən Kərimpur ağır fiziki qüsurludur və xroniki xəstəliklərdən əziyyət çəkir.