Beynəlxalq hüquq və qaydalara əsaslanan əvvəlki dünya nizamı faktiki olaraq mövcud deyil.

Axar.az xəbər verir ki, bu barədə Almaniya kansleri Fridrix Merz 62-ci Münhen Təhlükəsizlik Konfransında açılış nitqində deyib.

Onun sözlərinə görə, mövcud qlobal təhlükəsizlik sistemi çökmək üzrədir.

"Qorxuram ki, daha da aydın şəkildə bildirməliyik: bu nizam, ən yaxşı dövrlərdə belə nə qədər qüsurlu olsa da, artıq mövcud deyil".

Merz qeyd edib ki, beynəlxalq vəziyyət açıq müharibələrin və münaqişələrin artması ilə xarakterizə olunan yeni bir mərhələyə qədəm qoyub.

Kansler hesab edir ki, davam edən proseslər dövlətlər arasında gərginliyi artırır və qlobal tarazlığı əvvəllər gözləniləndən daha tez dəyişir.