“Sega Mega Drive” (Genesis) və “Dreamcast” konsollarının yaradıcısı Hideki Sato 77 yaşında vəfat edib.

Axar.az xəbər verir ki, bu barədə “Kotaku”nun məlumatında deyilir.

Satonun 13 fevral 2026-cı ildə vəfat etdiyi bildirilib.

Qeyd edilir ki, o, oyun sənayesində dərin iz buraxaraq, arkada tipli qrafika və unikal oyunlarla ev konsolları konsepsiyasını təşviq edib.

Hideki Sato 1971-ci ildə “Sega”ya qoşulub və şirkətin aparıcı simalarından biri olub. 1989-cu ildə məşhur Nintendo Entertainment System (NES) ilə uğurla rəqabət aparan oyun konsolu olan “Sega Mega Drive”ı yaradıb. Daha sonra o, “Saturn” və “Dreamcast” konsollarının hazırlanmasına rəhbərlik edib. Sonuncu, kommersiya uğursuzluğuna baxmayaraq, kulta çevrilmişdi.