İsveç Rusiyanı ən böyük təhlükə adlandırıb və xəbərdarlıq edib ki, Moskvanın getdikcə daha riskli davranışı təhlükəli eskalasiyaya səbəb ola bilər.

Axar.az xəbər verir ki, bu barədə ölkənin Hərbi Kəşfiyyat və Təhlükəsizlik Xidməti tərəfindən dərc edilən illik hesabatda bildirilib.

Hesabatda İsveçin qonşuluğunda, o cümlədən Baltik dənizi bölgəsində Rusiyanın aqressiv hərəkətlərinə nümunə kimi hava məkanının pozulması, diversiyalar və kiberəməliyyatlar göstərilib.

“Rusiya İsveç və NATO üçün əsas hərbi təhlükədir”, – hesabatda qeyd olunur.

Sənəddə həmçinin vurğulanır ki, bu təhlükə “ciddi və konkret” xarakter daşıyır, Moskvanın davranışı isə “opportunist və aqressivdir”.