İranın nüvə proqramı ilə bağlı Vaşinqtonla potensial razılaşmaların bəzi Qərb sanksiyalarının ləğvini də əhatə edəcəyini güman edirik.

Axar.az xəbər verir ki, bu barədə İranın xarici işlər naziri Abbas Arakçı CBS-də bildirib.

O, 2015-ci ildə imzalanan Birgə Hərtərəfli Fəaliyyət Planı (BHFP) barədə danışarkən qeyd edib:

"On il keçdi, yeni bir vəziyyət yarandı. Nüvə proqramımız o vaxtdan bəri texniki cəhətdən irəliləyib. Əlbəttə ki, İrana qarşı daha çox sanksiya tətbiq edilib, daha çox təzyiq göstərilir.

Beləliklə, düşünürəm ki, BHFP-dən, 2015-ci il nüvə sazişindən daha yaxşı bir razılaşma mümkündür. Əvvəlki razılaşmadan daha yaxşı ola biləcək komponentlər var".