Əli Xameneinin ölümü İran tarixində həlledici andır.

Axar.az xəbər verir ki, bunu Avropa Birliyinin xarici siyasət və təhlükəsizlik məsələləri üzrə ali nümayəndəsi Kaya Kallas özünün X səhifəsində yazıb.

“Bundan sonra nə baş verəcəyi qeyri-müəyyəndir. Lakin indi İran üçün fərqli bir gələcəyə aparan açıq yol yaranıb. Elə bir İran ki, onun xalqı həmin gələcəyi daha böyük azadlıqla formalaşdıra bilər.

Mən İranın hərbi fəaliyyətlərinin əsas yükünü daşıyan region ölkələrindəki tərəfdaşlarla əlaqədəyəm ki, gərginliyin azaldılması üçün praktik addımlar müəyyənləşdirək”, - Kallas bildirib.

Qeyd edək ki, İsrail və ABŞ 28 fevraldan İrana qarşı hərbi əməliyyata başlayıb. Endirilən zərbələr nəticəsində İranın ali dini lideri Əli Xamenei başda olmaqla, onlarla yüksək səviyyəli məmur ölüb.