Xəbər verdiyimiz kimi, ayətullah Əlirza Ərafi İranın ali lideri vəzifəsinin müvəqqəti icraçısı təyin olunub.

Axar.az xəbər verir ki, Ərafi 1959-cu ildə İranın Yəzd əyalətinin Meybod şəhərində ruhani ailəsində anadan olub.

Ərafinin atası ayətullah Məhəmməd İbrahim Ərafi İranın ilk dini lideri Ruhullah Xomeyninin yaxın dostu idi.

Əlirza Ərəfi Qum şəhərindəki Əl-Mustafa Beynəlxalq Universitetinin sədri vəzifəsində çalışır. Ərəb və ingilis dillərini bilir, 24 kitabın müəllifidir.

2019-cu ildən o, istənilən hökumət siyasətinə və ya siyasi namizədə veto qoymaq səlahiyyətinə malik olan 12 üzvdən ibarət Konstitusiyanı Mühafizə Şurasının üzvüdür.

Qeyd edək ki, İsrail və ABŞ-ın ötən gün endirdiyi zərbələr nəticəsində İranın ali dini lideri Əli Xamenei ölüb. İranda buna görə 40 gün matəm elan edilib.