İranın yeni rəhbərliyi Vaşinqtonla danışıqlara başlamaq istəyir.

Axar.az xəbər verir ki, bu barədə ABŞ Prezidenti Donald Tramp deyib.

"Onlar danışmaq istəyirlər və mən də danışmağa razılaşdım, ona görə də onlarla danışacağam. Bunu daha tez etməli idilər. Çox praktik və asan bir şey etməli idilər. Çox gözlədilər", - deyə Tramp "Atlantik"ə verdiyi müsahibədə bildirib.

Prezident bildirib ki, əməliyyat başladıqdan sonra İranın hazırkı rəhbərliyi əlaqə qurmaq təşəbbüsünü öz üzərinə götürüb.

Qeyd edək ki, İsrail və ABŞ orduları 28 fevral səhər saatlarından İrana qarşı hərbi əməliyyata başlayıb. Endirilən raket zərbələri nəticəsində İranın ali rəhbəri Əli Xamenei də daxil olmaqla, bir çox yüksək rütbəli məmur ölüb.