İrandakı kürd silahlı terror qruplaşması (PJAK) ABŞ və İsrailin dəstəyi ilə quru əməliyyatına hazırlaşır.

Axar.az Teleqraf-a istinadən xəbər verir ki, bu barədə planla tanış olan mənbə CNN-ə bildirib.

Mənbə qeyd edib ki, PJAK yaxın günlərdə hərəkətə keçəcəklər.

CNN vurğulayıb ki, ABŞ Mərkəzi Kəşfiyyat İdarəsinin (MKİ) İranda “xalq üsyanı”nı qızışdırmaq məqsədi ilə PJAK-ı silahlandırır.

“Əgər bu məlumat təsdiqlənərsə, bu, ABŞ-nin “Güclü qəzəb” hava kampaniyasının İranın şimal-qərb sərhədinə doğru quru cəbhəsi ilə genişləndiriləcəyi anlamına gələcək”, - mənbə əlavə edib.

Qeyd edək ki, İsrail və ABŞ 28 fevraldan İrana qarşı hərbi əməliyyata başlayıb. Zərbələr nəticəsində İranın ali dini lideri Əli Xamenei başda olmaqla, onlarla yüksək səviyyəli məmur ölüb.

İran qonşu ölkələrdəki ABŞ bazalarına və İsrailə cavab zərbələri endirir.