Türkiyənin Cerablusu İŞİD və PYD-dən təmizləmək üçün başlatdığı "Fərat qalxanı" hərəkatı 6-cı gündür ki, davam edir.

Axar.az xəbər verir ki, Türkiyənin davam etdirdiyi hərbi əməliyyatla bağlı Qərb mediası yalan məlumatları virus kimi yayır.

Hələbin Maadi bölgəsində Rusiyaya aid döyüş təyyarələrinin bombardman görüntülərindən istifadə edən "İndependent" "Türkiyə 40 mülki vətəndaşı öldürdü" başlıqlı yalan xəbər dərc edib. Rusiyanın qətliamını Türkiyəyə aid edən qəzetə sərt reaksiyalar gəlib.

Rus döyüş təyyarələrinin Maadi şəhərini bombardman etməsinə aid görüntülər 27 avqustda Yutub sosial şəbəkəsinə yerləşdirilib. Qəzet isə həmin görüntüləri 28 avqustda Türkiyə hərbi təyyarələrinin YPG qərargahını vurması kimi göstərib.