İsrail Müdafiə Qüvvələri (ÇAXAL) Hizbullahla əlaqəli “Əl-Qərd əl-Həsən” birliyinin filiallarını hədəf alan hava hücumları dalğasını başa çatdırıb.

Axar.az xəbər verir ki, bu barədə ÇAXAL X səhifəsində məlumat yayıb.

“İsrail ordusu “Əl-Qərd əl-Həsən” assosiasiyasının aktivlərinə qarşı növbəti zərbələr dalğasını tamamladı. Son bir həftədə təşkilatın təxminən 30 obyekti vurulub. Bu obyektlər Hizbullah terror təşkilatının fəaliyyətinin maliyyələşdirilməsi üçün istifadə olunurdu.

Bu vəsaitlər təşkilat tərəfindən silahların alınması, istehsal vasitələrinin əldə edilməsi və terror fəaliyyətini həyata keçirən təşkilat üzvlərinə maaşların ödənilməsi üçün xərclənir”, - məlumatda bildirilib.