İranın Qətərdə yerləşən və İsrailə yönələn raketləri aşkar etməyə kömək edən ABŞ radar sisteminə zərbə endirməsindən sonra israillilər raket hücumları barədə daha qısa xəbərdarlıq müddəti alıblar.

Axar.az xəbər verir ki, bu barədə İsrailin “Haaretz” qəzeti məlumat yayıb.

“BƏƏ-də yerləşən ABŞ-ın THAAD raketdən müdafiə sistemi də zərbə alıb. Hizbullah isə İsraildə hərbi peyk rabitə obyektini hədəfə aldığını iddia edib.

Ekspertlər bildirirlər ki, bu hadisələr İsrailin hava hücumundan müdafiə şəbəkəsində zəifliyi göstərir. Dəmir Qübbə, “Patriot” və “Arrou” kimi sistemlər müəyyən növ təhdidləri yaxalamaq üçün nəzərdə tutulub. Lakin dronlar və ya radar və buraxılış qurğularına birbaşa zərbələr kimi digər hücum növlərindən özlərini tam qoruya bilmirlər.

Bu sistemlər bahalı və açıq olduğundan, onlara zərər vermək İsrailin müdafiəsini əhəmiyyətli dərəcədə zəiflədə bilər”, - məlumatda bildirilib.