NATO müttəfiqlərinin əksəriyyəti ABŞ-a Yaxın Şərqdə İrana qarşı hərbi əməliyyatlara qarışmaq istəmədikləri barədə məlumat verib.

Axar.az xəbər verir ki, bu barədə ABŞ Prezidenti Donald Tramp “Truth” sosial mediasında yazıb.

O bildirib ki, hər bir ölkə ABŞ-ın etdiyi ilə qəti şəkildə razıdır və İranın heç bir şəkildə nüvə silahına sahib olmasına icazə verilə bilməz.

“Lakin onların hərəkətləri məni təəccübləndirmir, çünki mən həmişə eyni ölkələri qorumaq üçün ildə yüz milyardlarla dollar xərclədiyimiz NATO-nu birtərəfli “küçə” hesab etmişəm. Biz onları qoruyacağıq, amma onlar, xüsusən də ehtiyac duyulan bir vaxtda bizim üçün heç nə etməyəcəklər. Xoşbəxtlikdən, biz İranın ordusunu məhv etdik, onların Hərbi Dəniz Qüvvələri, Hərbi Hava Qüvvələri, zenit və radar sistemləri yoxa çıxıb. Ən əsası, hər səviyyədə liderləri məhv edilib ki, onlar bir daha bizi, Yaxın Şərq müttəfiqlərimizi və ya dünyanı təhdid etməsinlər. Belə bir hərbi uğur qazandığımız üçün artıq NATO ölkələrinin və eynilə, Yaponiya, Avstraliya və ya Cənubi Koreya köməyinə ehtiyac duymuruq və ya arzulamırıq. Bizim heç kimin köməyinə ehtiyacımız yoxdur”,- deyə Tramp əlavə edib.

Qeyd edək ki, Donald Tramp müttəfiqlərinə müraciət edərək, ABŞ və İsrailin İrana qarşı hərbi əməliyyatlarının üçüncü həftəsində strateji Hörmüz boğazında su yolunun qorunmasına kömək etmələrini istəmişdi.