Son 24 saat ərzində onlarla İsrail qırıcı təyyarəsi İranın qərbində və mərkəzində 200-dən çox rejim hədəfinə zərbələr endirib.

Axar.az xəbər verir ki, bu barədə İsrail ordusunun (ÇAXAL) məlumatında deyilir.

Zərbələr ballistik raketlərin və dronların saxlanması və buraxılması üçün istifadə olunan obyektləri, eləcə də hava hücumundan müdafiə sistemlərini, buraxılış qurğularını və silah istehsalı müəssisələrini hədəf alıb.

Ordunun bəyanatında qeyd olunur ki, İsrail Hərbi Hava Qüvvələri İsrail ərazisinin atəşə tutulmasının miqyasını minimuma endirmək və İslam Respublikasındakı hava üstünlüyünü genişləndirmək üçün ölkənin yuxarıda qeyd olunan bölgələrinə davamlı olaraq zərbələr endirməyə davam edir.