10:37

Nyu Yorkun “LaQuardia” hava limanında “Air Kanada Ekspress” təyyarəsi qəzaya uğrayıb.

Axar.az xəbər verir ki, bu barədə “Röyters” məlumat yayıb.

Bildirilib ki, təyyarə eniş edərkən yanğınsöndürən maşına çırpılıb. Hadisə nəticəsində maşında olan 5 yanğınsöndürən ağır xəsarətlər alıb.

Eyni zamanda, təyyarədə olan 100 sərnişin arasında xəsarət alanların olduğu da vurğulanıb.

Hadisə ilə bağlı hava limanı müvəqqəti olaraq bağlanıb.

***

"Air Kanada Express" təyyarəsinin pilotları "LaQuardia" hava limanında nəqliyyat vasitəsi ilə toqquşma nəticəsində həlak olublar.

Bu barədə “NBC Nyus” mənbələrə istinadən məlumat yayıb.

***

“Air Kanada Express” təyyarəsinin “LaQuardia” hava limanında nəqliyyat vasitəsi ilə toqquşması nəticəsində sərnişinlər, ekipaj və hava limanının yanğınsöndürmə xidmətinin əməkdaşları da daxil olmaqla 41 nəfər xəstəxanaya çatdırılıb.

Bu barədə hava limanı administrasiyasının icraçı direktoru Ketrin Qarsiya bildirib.

Onun sözlərinə görə, zərər çəkənlərdən bəziləri ciddi xəsarətlər alıb, lakin kritik yaralananların sayı dəqiqləşdirilməyib.