Türkiyə Prezidenti Rəcəb Tayyib Ərdoğan Macarıstanda parlament seçkilərinin qalibi Tisa Partiyasının lideri Peter Magyar ilə telefon danışığı aparıb.

Axar.az xəbər verir ki, Ərdoğan Magyarı seçkilərdəki qələbəsi münasibətilə təbrik edib və həm ikitərəfli səviyyədə, həm də beynəlxalq platformalarda əməkdaşlığın gələcəkdə daha da dərinləşəcəyinə əminliyini ifadə edib.

Liderlər əməkdaşlığın inkişaf perspektivlərini nəzərdən keçirib, həmçinin regional və qlobal gündəlik üzrə fikir mübadiləsi aparıblar.

Qeyd edək ki, Magyarın rəhbərlik etdiyi partiya 12 apreldə Macarıstanda keçirilən parlament seçkilərdə hazırkı Baş nazir Viktor Orbanın hakim koalisiyasına qalib gəlib.