ABŞ Prezidenti Donald Tramp Tehranla danışıqlar prosesi ilə bağlı həqiqətə uyğun olmayan məlumatlar yayır.

Axar.az xəbər verir ki, bu barədə İran parlamentinin sədri Məhəmməd Bağır Qalibaf X hesabında yazıb.

"Amerika prezidenti bir saat ərzində 7 bəyanat verib və onların heç biri doğru deyil", - Qalibaf yazıb.

O, həmçinin vurğulayıb ki, Vaşinqton danışıqlar prosesində bütün tələblərinin yerinə yetirilməsinə nail ola bilməyəcək.

“ABŞ Fars körfəzindəki İran limanlarının blokadasından imtina etməyəcəyi təqdirdə İran Hörmüz boğazını yenidən bağlamağa hazırdır”, - o vurğulayıb.

Qeyd edək ki, D.Tramp "Truth Social" sosial şəbəkəsində İranın nüvə proqramını ləğv etməyə razılaşdığını və zənginləşdirilmiş uran ehtiyatlarını ABŞ-a təhvil verməyə hazır olduğunu iddia edib.