İslamabad şəhərində ABŞ–İran danışıqlarının ikinci mərhələsinə hazırlıq gedir. Sərt açıqlamalara baxmayaraq, danışıqların baş tutacağı gözlənilir.

Axar.az xəbər verir ki, bu barədə “Əl Cəzirə” telekanalı məlumat yayıb.

“Paytaxtda təhlükəsizlik gücləndirilib. Bəzi böyük otellər (o cümlədən, “Serena Hotel İslamabad”) qonaqlardan otaqları boşaltmağı istəyib. ABŞ-a məxsus hərbi təyyarələr enəndən sonra hava limanı ilə “qırmızı zona” arasındakı yol bağlanıb.

Hakimiyyət nəqliyyata məhdudiyyət qoyub. Təxminən 20 min təhlükəsizlik əməkdaşı (polis, reyncerlər və hərbçilər) cəlb olunacaq.

Danışıqların həftənin sonuna qədər İslamabadda keçirilməsi gözlənilir”, - məlumatda bildirilib.

Qeyd edək ki, ABŞ Prezidenti Donald Tramp amerikalı nümayəndə heyətinin danışıqlar üçün sabah İslamabadda olacağını açıqlayıb.