27 apreldə Ermənistan müdafiə nazirinin birinci müavini və Silahlı Qüvvələrin Baş Qərargah rəisi general-leytenant Eduard Asryan rəsmi səfərlə Hindistan Respublikasına gedib.

Axar.az xəbər verir ki, bu barədə Ermənistan MN məlumat yayıb.

Hindistan Müdafiə Nazirliyində Asryanın qarşılanma mərasimi keçirilib, bundan sonra o, Hindistan Silahlı Qüvvələrinin Baş Qərargah rəisi general Anil Çauhan ilə şəxsi görüş keçirib.

Tərəflər Ermənistan və Hindistan arasında müdafiə əməkdaşlığının hazırkı gedişatı ilə bağlı məsələləri müzakirə ediblər.

Görüşün sonunda bir sıra sahələrdə əməkdaşlığın dərinləşdirilməsi barədə razılıqlar əldə edildi.