ABŞ hərbçiləri İranın dəniz blokadası başlayandan bəri 60-dan çox ticarət gəmisinin istiqamətini dəyişdirib, 4 gəmi isə vurulub.

Axar.az xəbər verir ki, bu barədə ABŞ Silahlı Qüvvələrinin Mərkəzi Komandalığının (CENTCOM) yaydığı son məlumatda bildirilib.

"20-dən çox ABŞ gəmisi İrana qarşı blokadanı tətbiq edir. CENTCOM qüvvələri 61 kommersiya gəmisini istiqamətləndirib və tabe olmayan 4 gəmini sıradan çıxarıb", - deyə vurğulanıb.

CENTCOM İran limanlarına gedən bütün gəmilərin hərəkətini bloklamaq niyyətində olduğunu açıqlayıb.

Qeyd edək ki, ötən gün CENTCOM 57 ticarət gəmisinin istiqamətini dəyişdirdiyini açıqlamışdı.