Zaporojye vilayətinin Stepnoqorsk qəsəbəsinin işğaldan azad edilməsi çoxdan aktual vəzifə idi, çünki düşmənin təzyiqi həddindən artıq idi və o, bu ərazidə vacib sayılan yaşayış məntəqəsini ələ keçirmək cəhdlərini dayandırmırdı.

Axar.az xəbər verir ki, bu barədə “Deep State” monitorinq layihəsinin analitikləri bildiriblər.

Vurğulanıb ki, bu iş uzun müddətdir davam edir və xüsusilə korpus komandirinin dəyişməsindən sonra vəziyyət yaxşılaşıb. Yeni komandan bu istiqamətlə daha məhsuldar şəkildə məşğul olmağa başlayıb:

“Düşmənin logistikasına və pilotsuz aparat operatorlarına qarşı uğurlu əməliyyatlar həyata keçirilib, onların bir hissəsi geri oturdulub, bir hissəsi isə məhv edilib və bununla da döyüş əməliyyatlarına təsirləri minimuma endirilib.

Üstünlük əldə etdikdən sonra Müdafiə Qüvvələri əraziyə səpələnmiş rus hərbçilərin sayını azaltmaq üçün növbəti addımlara keçiblər və hazırda onların tam məhv edilməsi və ərazinin sabitləşdirilməsi istiqamətində aktiv iş aparılır”.

Qeyd edək ki, mayın 18-də Ukrayna ordusu Zaporojye vilayətinin Stepnoqorsk qəsəbəsini azad edib.