Türkiyə Milli İstehbarat Təşkilatı Suriyada İŞİD-ə qarşı əməliyyat keçirib.

Axar.az xəbər verir ki, bu barədə Türkiyə mediası məlumat yayıb.

Suriya Kəşfiyyat Xidməti ilə koordinasiyalı şəkildə həyata keçirilən əməliyyat çərçivəsində qırmızı bülletenlə axtarışda olan 10 İŞİD-çi saxlanılıb. Saxlanılan şəxslərin Türkiyəyə gətirildiyi bildirilib. Onların keçmişdə Türkiyədə törədilən müxtəlif terror aktları ilə əlaqəli olduqları vurğulanıb.

Tutulan terrorçulardan - Ömər Dəniz Dündarın isə 2015-ci ildə Ankara Dəmir Yolu Stansiyasında 109 nəfərin ölümünə səbəb olan hücumu təşkil edənlərlə əlaqəsi olduğu ortaya çıxıb.