İran və Oman Hörmüz boğazından keçidin yeni mexanizminin müəyyən edilməsi ilə bağlı danışıqlar aparır, o artıq əvvəlki kimi olmayacaq.

Axar.az xəbər verir ki, bunu İranın Ali Milli Təhlükəsizlik Şurasının katibinin müavini Əli Bagiri Rusiyada Beynəlxalq Təhlükəsizlik Forumunda jurnalistlərə bildirib.

"Konkret olaraq Hörmüz boğazına gəldikdə, şübhəsiz ki, oradan keçid şərtləri və qaydası əvvəlki kimi olmayacaq, tamamilə fərqli bir qayda yaranacaq", - Bagiri deyib.

"Bu məsələ ilə bağlı İran və Oman sahilyanı dövlətlər kimi Hörmüz boğazından keçidin yeni mexanizminin müəyyən edilməsi üçün danışıqlar aparır", - o bəyan edib.