Ermənistanın Aİİ-dən çıxmaq niyyəti yoxdur, çünki üzvlükdən əldə etdiyi faydaları aydın şəkildə başa düşür.

Axar.az xəbər verir ki, bunu Rusiya Baş nazirinin müavini Aleksey Overçuk bildirib.

“Bildiyimiz kimi, Ermənistanın Aİİ-dən çıxmaq niyyəti yoxdur. Onlar həm üstünlüklərin əhatə dairəsini, həm də digər Aİİ üzv dövlətləri ilə ticarət həcmini yaxşı bilirlər. Bu ticarət həcmi, əsasən, Ermənistan üçün mövcud olan güzəştli rejimlər sayəsində mümkün olub.

Bunlara sıfır gömrük rüsumları, uyğunlaşdırılmış standartlar və uyğunlaşdırılmış texniki qaydalar daxildir. Bu gün bazarlarımız açıqdır və malların sərbəst hərəkəti mövcuddur. Buna görə də, ermənilər Aİİ-yə üzvlüyün verdiyi üstünlükləri yaxşı bilirlər və çıxmaq istəmirlər”, - o bildirib.