Vəziyyətin daha da aydın olması üçün Qarabağ psevdoelitasının Ermənistandakı aktivlərinin siyahısını mümkün qədər tez dərc etməliyik.

Axar.az xəbər verir ki, bunu Ermənistan Baş naziri Nikol Paşinyan İrəvanda keçirilən paradda çıxışında deyib.

"Bu gün onlar Qarabağdan olan insanlarımızın (Ermənistanda) məskunlaşmasına imkan vermirlər. Onlar Qarabağda insanları girov saxlayıblar, indi isə Qarabağdan olan bacı-qardaşlarımızı Ermənistanda girov saxlamaq istəyirlər. Belə şey baş verməyəcək.

Bəli, onlar aydınlıq gətirməlidirlər və qanunsuz əmlakın müsadirə edilməsi sistemi vasitəsilə biz onlarla və yüzlərlə evi bir-bir alacağıq. Bu, yaxın gələcəkdə mütləq baş verəcək və buna görə də mən Ermənistan və Qarabağ xalqından mandat istəyirəm. Həmin yalançı elitanın nümayəndələri yenə də Ermənistan və Qarabağ xalqı qarşısında cavab verməlidirlər”, - deyə o bildirib.