09:51

Rusiya ordusu Ukraynaya kütləvi raket və PUA zərbələri endirib.

Axar.az xəbər verir ki, bu barədə Ukrayna mətbuatı məlumat yayıb.

Məlumata görə, Kiyevin bütün rayonları raket və PUA atəşinə məruz qalıb. Yaşayış evləri, yanacaqdoldurma məntəqəsi, bir sıra tikililər və poliklinika dağılıb, 4 nəfər həlak olub, 58 nəfər yaralanıb.

Dnepr şəhərinə zərbələr zamanı yaşayış və ictimai binalara, avtomobillərə ziyan dəyib, 6 nəfər ölüb, 33 nəfər yaralanıb.

Xarkov şəhərində 14, Zaporojye şəhərində isə 3 nəfər yaralanıb.

Bundan başqa, Sum və Çerniqov şəhərlərinə də raket zərbələri endirib.

***

Rusiya ordusunun bu gecə Ukraynaya genişmiqyaslı hava hücumu nəticəsində ölənlərin sayı 13-ə çatıb, 100-dən çox insan yaralanıb.

Bu barədə Ukraynanın daxili işlər naziri İqor Klimenko məlumat yayıb.

O Dneprdə 9 nəfərin öldüyünü bildirib: “İkinci zərbə zamanı xilasedici də həlak olub, daha 35 sakin yaralanıb”.

Klimenko ən azı altı nəfərin itkin düşdüyünü qeyd edib.

Kiyevdə isə xəsarət alanların sayı 60-ı keçib.

***

Rusiyanın gecə saatlarında Kiyev və Dneprə kütləvi zərbələri nəticəsində ölənlərin sayı 22 nəfərə çatıb.

Bu barədə yerli hakimiyyət orqanlarının yaydığı məlumatda bildirilib.