Ermənistanda 7 iyunda baş tutan parlament seçkilərində Nikol Paşinyanın Mülki Müqavilə Partiyasının 48,82% səslə qalib gəlməsi və 105 yerlik parlamentdə, ilkin nəticəyə görə, 64 mandat əldə etməsi Rusiyada aqressiya ilə qarşılandı.

Axar.az xəbər verir ki, həm Kremlin mətbuat katibi Dmitri Peskov, həm Xarici İşlər Nazirliyinin sözçüsü Mariya Zaxarova, o cümlədən ayrı-ayrı rus siyasətçilər və Duma deputatları Ermənistanda seçkinin şəffaflığını sual altında qoydular, hətta açıq şəkildə seçicilərin hüquqlarının pozulmasından da bəhs etdilər.

Rusiya ilk dəfədir ki, Ermənistanda seçkilərin nəticələrinə bu qədər açıq şəkildə aqressiya ilə reaksiya verir və qalibi təbrik etməyə tələsmir.

Bunun əvəzində isə xüsusilə Avropa liderləri Nikol Paşinyanı təbrik etməyə tələsdilər.

Paşinyanı təbrik edən liderlərin siyahısı belədir:

1. Fransa Prezidenti Emmanuel Makron;

2. Almaniya kansleri Fridrix Merz;

3. Yunanıstanın Baş naziri Kiriakos Miçotakis;

4. Avropa Şurasının prezidenti Antonio Kosta;

5. Danimarkanın Baş naziri Mette Frederiksen;

6. Litvanın Baş naziri İnqa Ruqiniene;

7. Avstriyanın Federal Kansleri Kristian Stoker;

8. İspaniyanın Baş naziri Pedro Sançez;

9. İsveçin Baş naziri Ulf Kristersson;

10. Hindistanın Baş naziri Narendra Modi;

11. Polşanın Baş naziri Donald Tusk;

12. Genişlənmə üzrə Avropa komissarı Marta Kos;

13. Moldova Prezidenti Maya Sandu;

14. Avropa Parlamentinin prezidenti Roberta Mezzola;

15. Estoniyanın Baş naziri Kristen Mixal;

16. Latviya Prezidenti Edqars Rinkeviçs və s.