ABŞ Prezidenti Donald Tramp İrana qarşı əvvəlcədən planlaşdırılmış zərbələri ləğv etdiyini açıqlayıb.

Axar.az xəbər verir ki, Tramp bu barədə "Truth Social" sosial şəbəkəsində yazıb.

"İranla danışıqların bu ölkə rəhbərliyinin ən yüksək səviyyəsinə çatdırılması və bəyənilməsi faktına əsaslanaraq mən ABŞ Prezidenti kimi İrana qarşı bu axşam üçün nəzərdə tutulan zərbələri və bombardmanları ləğv etdim. Danışıqlar və yekun müddəalar həm konseptual baxımdan, həm də ən xırda təfərrüatına qədər ABŞ, İsrail, Səudiyyə Ərəbistanı, BƏƏ, Qətər, Türkiyə, Pakistan, Bəhreyn, Küveyt, İordaniya, Misir və digərləri daxil olmaqla, prosesə cəlb olunmuş bütün ölkələr tərəfindən bəyənilib", - paylaşımda bildirilib.

Bununla belə, Trampın sözlərinə görə, Hörmüz boğazı bölgəsindəki İran limanlarının dəniz blokadası yekun razılaşma qəbul edilənə qədər tam qüvvədə qalacaq.