İnsanların “Doğrudanmı ABŞ və İsrail bir-birindən uzaqlaşa bilər, yəni biz artıq bu müstəsna tərəfdaşlığın bəhrəsini görməyəcəyik?” deyə fikirlər səsləndirdiyini eşidirəm. Və mən cavab verirəm: Yox, yox, yox. Başa düşməlisiniz ki, biz o qədər də ağılsız deyilik, ümid edirəm ki, heç vaxt da bu qədər ağılsız olmayacağıq.

Axar.az xəbər verir ki, bunu ABŞ-ın İsraildəki səfiri Mayk Hakabi deyib.

“Həqiqət budur ki, bu, İsraillə ABŞ arasında sanki möhkəm evlilik kimidir. Məndən soruşanda ki, siz boşanmağa hazırlaşırsınız, cavab verirəm ki, qətiyyən yox. Çünki nə vaxtsa yollarımız ayrılsa, nə bizim ölkənin, nə də onların ölkəsinin "aliment" ödəməyə gücü çatar. Buna görə də mövcud olduğumuz müddətcə tərəfdaş olaraq qalacağıq”, - o bildirib.