İsveçrədə çirkab suları ilə hər il təxminən 43 kiloqram qızıl və 3 ton gümüş itkiyə gedir.

Axar.az xəbər verir ki, bu barədə İsveçrə Federal Su Elmləri və Texnologiyaları İnstitutu (EAWAG) məlumat yayıb.

Bu metalların ümumi dəyərinin 3 milyon İsveçrə frankı (6 000 000 AZN) olduğu bildirilir.

Ən yüksək qızıl konsentrasiyası Ticino kantonunda qeydə alınıb. Alimlər bunun bölgədəki qızıl emalı zavodları ilə əlaqəli olduğunu bildirirlər. Araşdırmada texnologiyada istifadə olunan nadir metallar da aşkarlanıb. Lakin mütəxəssislər bildirirlər ki, hazırkı şəraitdə bu metalları kanalizasiyadan çıxarmaq iqtisadi baxımdan sərfəli deyil.