Bu cür iddiaları irəli sürənlər reallığı qəsdən təhrif etməyə çalışırlar. Beş ay əvvəl ABŞ-ın hərbi təcavüzünə məruz qaldıq. Biz yeni bir cəbhə açdıqmı?

Axar.az xəbər verir ki, bunu İranın Xarici İşlər Nazirliyinin sözçüsü İsmayıl Bəqai İranın Yəmənlə münasibətləri barədə danışarkən deyib.

“Yəmən məsələsini İrana qarşı müharibə ilə əlaqələndirmək məsuliyyətdən yayınmaq cəhdidir. ABŞ və sionist rejim ilk günlərdən etibarən region ölkələrinin ərazilərindən istifadə edirdi. Biz yeni bir cəbhə açdıqmı?

Yəmən məsələsi Yəmənin özünə aiddir. Biz uzun müddətdir bildiririk ki, bu məsələ dialoq yolu ilə həll edilməlidir. Hər bir məsələni İrana qarşı müharibə ilə əlaqələndirmək məsuliyyətdən yayınmağın bir yoludur”, - o bildirib.

Qeyd edək ki, Yəmənin bir hissəsini ələ keçirmiş Ənsarullah (Husilər) hərbi-siyasi qruplaşması İran tərəfindən dəstəklənir.