Avropa qitədə təhlükəsizlik arxitekturasını, eləcə də hibrid münaqişələrdən necə yayınmağın yollarını müzakirə etmək üçün Rusiya ilə dialoqa başlamalıdır.

Axar.az xəbər verir ki, bu sözləri Finlandiyanın keçmiş prezidenti Sauli Niinistö deyib.

“Dialoq üçün iki mühüm səbəb var. Birincisi, sözdə Avropa təhlükəsizlik arxitekturasıdır”, – Niinistö bildirib.

O, rusların bunu çoxdan müzakirə etmək istədiyini xatırladıb və bu mövzunun Rusiya Prezidenti Vladimir Putinlə ABŞ Prezidenti Donald Trampın Alyaskadakı görüşü zamanı da gündəmə gəldiyini qeyd edib.

Onun fikrincə, Avropa ilə Rusiya arasında müzakirə edilməli olan ikinci məsələ Ukraynadakı münaqişə başa çatdıqdan sonrakı dövrlə bağlıdır:

“Nifrət doğuran bir sərhəd Avropadan keçəcək – müəyyən mənada İkinci Dünya müharibəsindən sonrakı vəziyyətə bənzər şəkildə”.

O, diqqəti ona yönəldib ki, Soyuq müharibə illərində nüvə silahının mövcudluğu SSRİ və ABŞ-ı vəziyyəti müəyyən qədər nəzarətdə saxlamaq üçün danışıqlara başlamağa məcbur etmişdi.

“Bu gün ilk növbədə terror balansına, yəni müqayisə edilə bilən çəkindirmə balansına nail olmalıyıq. Başqa sözlə, biz də hibrid müharibə zamanı qarşı tərəfə ciddi zərər vura biləcəyimizi təmin etməliyik. Bundan sonra isə ABŞ və digər tərəfdaşlarla birlikdə Rusiya ilə nifrət şəraitində hibrid münaqişələrdən necə qaçmaq barədə danışıqlar aparmalıyıq”, – Niinistö vurğulayıb.