Qrenlandiya ABŞ-da yerləşən “Greenland Energy” şirkətinə ciddi xəbərdarlıq edib.

Axar.az xəbər verir ki, bu barədə “Quardian” məlumat yayıb.

Məlumata görə, buna səbəb ABŞ Prezidenti Donald Trampla əlaqəli olan neft şirkətinin qazma avadanlıqlarını Qrenlandiya sahilinə icazəsiz çıxarmasıdır.

“Qrenlandiya enerjisi” hələ də hökumətdən müvafiq icazə almalıdır. Bundan əlavə, qazma işlərinin aparılması planlaşdırılan ərazi qorunan bataqlıq ərazilərlə üst-üstə düşə bilər”, - məlumatda qeyd olunub.

Qrenlandiya hökumətindən isə bildirilib ki, şirkətin müraciəti nəzərdən keçirilir.

Qeyd edək ki, şirkət ərazidə 1 trilyon dollar dəyərində xam neft ola biləcəyini iddia edərək, “Ceymson torpağı”nda qazma işlərinə ümid edir.