Hörmüz boğazının ABŞ tərəfindən mühasirədə saxlanılması Amerika ilə İran arasında toqquşmaya səbəb ola bilər.

Axar.az xəbər verir ki, bunu İran Ali Milli Təhlükəsizlik Şurasının katibi Möhsün Rzayi Livanda fəaliyyət göstərən və Hizbullahın media orqanı "Al-Manar" telekanalına müsahibəsi zamanı deyib.

"Əgər mühasirə davam edərsə, biz Amerikanın iqtisadi maraqlarını yüz faiz, şiddət və güclə hədəfə alacağıq", - o vurğulayıb və əlavə edib ki, atəşkəs dövründə İrandan 80 milyon barrel neft ixrac olunub.

M.Rzayinin sözlərinə görə, həmin dövrdə İran ABŞ mühasirəsini yarmağı bacarıb:

"Neft satışının həcmi sanksiyalardan əvvəlki səviyyəyə qayıdıb, ixrac üçün yeni marşrutlar yaratmışıq".