İspaniyanın Villena şəhərində oğrular pəncərədən muzeyə daxil olaraq məşhur “Villena Xəzinəsi”nin böyük hissəsini aparıblar.

Axar.az xəbər verir ki, bu barədə “Quardian” məlumat yayıb.

Məlumata görə, muzeyin siqnalizasiyası saat 05:20-də işə düşüb, cəmi dörd dəqiqə sonra - 05:24-də isə cinayətkarlar binanı tərk ediblər.

Bildirilib ki, kolleksiyaya Tunc dövrünə aid 66 artefakt daxil idi. Əşyaların əksəriyyəti qızıldan hazırlanıb və onların arasında bilərziklər, kasalar, qablar və təxminən 3000 il yaşı olan müxtəlif zinət əşyaları olub.

Şəhər merinin sözlərinə görə, yalnız bir qızılın dəyəri təxminən 1,7 milyon avro qiymətləndirilir. Lakin xəzinənin tarixi və mədəni əhəmiyyətini faktiki olaraq pulla ölçmək mümkün deyil.