Türk varlığının əvəzini ən ağır şəkildə ödəmiş millətdir.

Axar.az xəbər verir ki, bunu Milliyətçi Hərəkat Partiyasının sədri Dövlət Baxçalı rəhbərlik etdiyi qurumun toplantısında çıxışı zamanı söyləyib. Onun sözlərinə görə, bu millət türkə kəfən biçməyə çalışanların başına dünyanı dar edər:

"Türk bayrağını yandıran şərəfizlərə "bayraq bizim ruhlarımızdan asılıb və sizin bunu anlamanız imkansızdır", - deyirəm. ABŞ-ın kölgəsinə sığınan qorxaq və oyuncaqların bayrağımıza hücumu onların ağalarının əmridir. "Osmanlı işğalı bitdi" şüarları ilə türk bayrağını ayaqlar altına alanların qeyrəti varsa, ar və namuslarına vurulan ləkəni təmizləsinlər. Vətənimiz Turandır. Gəldiyimiz yerləri unutmamışıq. Ayrıldığımız coğrafiyaları yadımızdan çıxarmamışıq. Gün gəldi, qazandığımız əcdad yadigarı olan torpaqları əlimizdən çıxdı. Prezident Ərdoğanın dediyi kimi, cümhuriyyət bizim ilk deyil, son dövlətimizdir və biz bu sərhədləri könüllü şəkildə qəbul etməmişik. Biz təkcə 1914-1918-ci illərdə 3 milyon kvadrat kilometr ərazi itirdik. Türk milləti öz varlığının əvəzini ən ağır şəkildə ödəmiş millətdir. Buna görə də bizim gedəcək başqa yurdumuz yoxdur".

Qeyd edək ki, bundan öncə İraqda Türkiyə əleyhinə keçirilən aksiyalarda Türkiyə bayrağı yandırılıb.