ABŞ-ın yeni seçilən prezidenti Donald Tramp Respublikaçılar Partiyasının Milli Komitəsinin sədri vəzifəsinə Ronna Romni-Makdeniyelin namizədliyini təklif edib.

Axar.az xəbər verir ki, Tramp açıqlamasında Ronnanın səyləri nəticəsində Miçiqan ştatında qalib gəldiyini deyib.

Qeyd edək ki, 43 yaşlı Ronna Romni-Makdeniyel 2012-ci ildə Respublikaçılar Partiyasından prezidentliyə namizəd Mitt Romninin qardaşı qızıdır. Eyni zamanda, o, partiyanın Miçiqan ştatı üzrə şöbəsinə rəhbərlik edir.

Respublikaçılar Partiyasının Milli Komitəsinin hazırkı sədri Rins Pribas isə Trampın inauqurasiyasından sonra Ağ Ev aparatına rəhbərlik edəcək.