Hazırda İkinci Dünya müharibəsindən sonra ən böyük humanitar böhran yaşanır.

Axar.az xəbər verir ki, bunu jurnalistlərə açıqlamasında BMT Baş katibinin humanitar məsələlər üzrə müavini Stiven Obrayen söyləyib.

O, hazırda dünyada 20 milyondan çox insanın aclıqla üz-üzə qaldığını bildirib. Obrayen ən çətin vəziyyətin Cənubi Sudan, Somali və Nigeriyanın şimal-şərqində müşahidə olunduğunu söyləyib:

“Ən dəhşətli vəziyyət isə Yəməndə müşahidə olunur. Burada əhalinin təxminən üçdə ikisinin (20 milyon nəfər) dərmanlara ehtiyacı var. 7 milyon insan isə necə qidalanacağını bilmir. Dünyadakı humanitar böhranı həll etmək üçün təxminən yarım milyard dollardan çox yardım tələb olunur”.