Avropa ölkələrinin əksəriyyətində olan miqrasiya böhranı dövlət başçılarının Suriya və Yaxın Şərqə qarşı olan yanlış siyasəti ucbatından yaranıb.

Axar.az xəbər verir ki, bunu Suriya Prezidenti Bəşər Əsəd Dəməşqdə Avropa Parlamentinin Xarici İşlər üzrə Komitəsinin sədr müavini Xavyer Kouso ilə görüşü zamanı söyləyib. O, həmçinin Qərbdəki terakt dalğasının da bununla bağlı olduğunu bildirib.

Kouso isə öz növbəsində Suriya-Avropa Birliyi əlaqələrinin bərpa edilməsinin tərəfdarı olduğunu söyləyib. O, Suriyaya qarşı sanksiyaların ləğvi üçün hər şeyi edəcəyini bəyan edib.