Şimali Koreya Çinə və lideri Si Szinpinə hörmətsizlik edib.

Axar.az xəbər verir ki, bu sözləri ABŞ Prezidenti Donald Tramp Tviter hesabında qeyd edib.

“Şimali Koreyanın raket sınağı səhv və uğursuz addım idi. Pxenyan bununla Pekinə qarşı hörmətsizlik etmiş oldu”, - deyə o bildirib.

Qeyd edək ki, Şimali Koreya ötən gün gecə yarısına yaxın yeni ballistik raketin sınağını keçirib. ABŞ regional komandanlığı (PACOM) sınağın uğursuz olduğunu bildirib.

Bu, Pxenyanın son bir ayda 3-cü uğursuz raket sınağı sayılır.