Rusiyaya məxsus 2 strateji bombardmançı Тu-95 təyyarəsi 2 ədəd Su-35 qırıcı təyyarəsinin müşayiəti ilə Alyaska bölgəsində uçuşlarının görüntüləri yayılıb.

Axar.az xəbər verir ki, bu barədə Rusiya Müdafiə Nazirliyi video-görüntünü paylaşıb.

Rusiya Müdafiə Nazirliyindən verilən açıqlamasında Tu-95 və Su-35-lərin ötən gün Alyaska adaları boyunca, neytral sularda uçuş həyata keçirdiklərini bildirib.

Beynəlxalq qaydalara tam uyğun olaraq həyata keçirilən uçuş zamanı heç bir ölkənin sərhədi pozulmayıb.

Qeyd edək ki, ötən gün Rusiyaya məxsus 2 strateji bombardmançı Тu-95 təyyarəsinin 2 ədəd Su-35 qırıcı təyyarəsinin müşayiəti ilə Alyaska bölgəsində ABŞ hava məkanına daxil olması barədə Pentaqon məlumat yayıb. Bundan dərhal sonra Pentaqon F-22 qırıcılarını Çeriot yaşayış məntəqəsinin cənub-qərbinə göndərib.