20:59

ABŞ Prezidenti Donald Tramp Ağ Evdə türkiyəli həmkarı Rəcəb Tayyib Ərdoğanla görüşüb.

Axar.az xəbər verir ki, Ağ Ev rəhbəri Ərdoğanı görüşün keçiriləcəyi salonun önündə qarşılayıb.

Görüşdən öncə tərəflər mətbuata açıqlamalar verib.

Tramp Ərdoğanla konkret nəticələr üzərində müzakirə aparacağını və daha sonra ziyafət veriləcəyini bildirib.

Qeyd edək ki, görüşün 20 dəqiqə davam edəcəyi gözlənilir.

***

Tramp və Ərdoğan görüşdən sonra ortaq mətbuat konfransı keçirib.

Türk lider bu səfərin dönüş nöqtəsi olacağını bildirib:

"Hörmətli Trampı əldə etdiyi zəfərdən dolayı bir daha təbrik edirəm. Strateji müttəfiqlik səviyyəsindəki əlaqələri müzakirə etdik. Aramızdakı əlaqələrin güclü olması qlobal sülh və sabitlik üçün önəmlidir. Bu səfərimiz tarixi dönüş nöqtəsi olacaq. YPG-nin müttəfiq seçilməsi qətiyyən uyğun deyil. FETÖ şəbəkəsi ilə bağlı gözləntilərimizi cənab prezidentə açıq şəkildə bildirəcəyəm. Regionumuzun gələcəyində terror qruplaşmalarına yer yoxdur".

Tramp da öz növbəsində Ərdoğanın səfərindən məmnun olduğunu deyib:

"Türk və Amerika xalqı müttəfiqdir. Türk əsgərləri Koreyada ABŞ əsgərləri ilə çiyin-çiyinə vuruşub. Bunları unutmayacağıq. Bu cəsarətləri bizim əsgərlərin də unutmadığı anlardan biridir. Bu gün terrorla mübarizədə yeni düşmənimiz var. Bu mübarizədə birlikdə işləmək istəyirik və Türkiyəni terrorla mübarizədə dəstəkləyirik”.